titel	:	Bijdragen aan tijdschriften
	uitgeverij	:	Veldeke, dialectvereniging Limburg
	1e druk	:	1985 en later

Vanaf de jaren '80 leverde ik bijdragen aan Veldeke, de vereniging voor de Limburgse volkscultuur en het gelijknamige tijdschrift. Die schreef ik in het Weerts, mijn moedertaal.

Zo schreef ik 6 verhalen voor jongeren.
In oktober 2001 werd een selectie geplaatst van mijn gedichtencyclus In slaop (zie fragment)

 

Fragment

In slaop, gedichte-cyclus - selectie van drie gedichten
 

Slaoplidje van Tante Net

Gein noeët zoeë hoeëg,
gein toeën zoeë lieëg
of zeuj galderdje d'r naeve.
Alike kuddes schäöp
joog zeuj langs mien bed.
En zeuj bedoeldje 't zoeë good,
mien tante Net.

Ederskier as ich haost sleep,
hong zeuj boeëve mien weeg,
hiegdje nao van 't trappe loupe.
Dan wis ich van bescheid,
van slaope kwoom d'r geine.
Zeuj schöddeldje mich
met mien weeg doerein.

Haaj zeuj zonger indj onzeenlidjes geslisj,
dan wis ich: 't és tied vör miene list!
Ich zuchdje deep, diej dan mien uigskes tow.
Neet mier loestere nao di-j valse nuuët,
neet mier schrikke van eur stieëvige knuuëk,
woe zeuj mich mej aajdje:
och petieterke, slaop mer zaocht.

Vör alzelaeve wakker

't Neetseltj,
zaochte dröppels
glejje langs de roêt.

't Neetseltj,
zaochte traone
rijjere langs mien wange.

't Hawtj,
haarde wuurt
hamere in miene kop.

Weem stoptj de raengel,
weem druuëgtj mien traone,
weem weegtj miene mismoot in slaop?

Vör alzelaeve slaope

De kop te vól,
't liêf te onröstig.
Ich wil nog te völ
van 't laeve.

Mer ins
Zoeë - knál! - op 'ne daag,
of inselkes,
dan legk ich mich.

't Liêf és meug,
de kop eindjelik lieëg.
Mien ougsplumpe stoppe mien laeve in.
't Es schoeën gewaesj.